സംസ്ഥാനങ്ങളുടെ വികസന സൂചികളിലൂടെ...

കക്ഷി രാഷ്ട്രീയം വേറെ വികസനം വേറെ... വികസന വഴികൾ പലതാണെങ്ങിൽ, എല്ലാ വഴികളും വെട്ടിതെളിക്കണം... രാഷ്ട്രീയമായി ശരിയുമാകണം... അന്ധമായ രാഷ്ട്രീയ വിരോധംകൊണ്ട് സത്യത്തെ മറച്ചുപിടിക്കാൻ ശ്രമിക്കുന്നത് മുറം കൊണ്ട് സൂര്യനെ മറയ്ക്കാനുള്ള വിഫലശ്രമമായെ കാണുവാൻ സാധിക്കു... ഗുജറാത്തിലെ ഹൈവേകളും തുറമുഖങ്ങളും മറ്റ് വികസനപദ്ധതികളും കുമിളകളാണെന്ന രീതിയിലുള്ള അഭിപ്രായങ്ങളോട് വിയോജിപ്പുള്ളതുകൊണ്ട്... ഒരു താരതമ്യത്തിനായി ഇന്ത്യയിലെ മറ്റ് സംസ്ഥാനങ്ങളിലേക്ക് കണ്ണോടിക്കുകയാണ്... താരതമ്യത്തിൽ ഗുജറാത്തും ബംഗാളും കേരളവും മാത്രമാകുന്നില്ല... പ്രധാന്യം കൂടുതൽ കൊടുക്കുന്നത്... രണ്ട് വിത്യസ്ത വികസനമാതൃകകൾ ചർച്ച ചെയ്യുപ്പെടുന്നതുകൊണ്ടാണ്... പല സൂചികളിലും പല സംസ്ഥാനങ്ങളാണ് മുന്നിൽ വരുന്നത്.

ഒരു സൂചികയും ഒരു സംസ്ഥാനത്തിന്റെ പൂർണ്ണമായ ചിത്രം വരച്ചുകാണിക്കുന്നതല്ല... പക്ഷേ ഏകദേശവിവരം ലഭിക്കുമെന്ന കാര്യത്തിൽ തർക്കമില്ലല്ലോ... അതിനായി മാത്രം വിക്കിയിൽ നിന്ന് ഇന്ത്യൻ സംസ്ഥാനങ്ങളുടെ സൂചികയിലെ സ്ഥാനങ്ങൾ... വിക്കി ആധികാരിക രേഖയൊന്നുമല്ല... എന്നാലും ഒരു ചർച്ചയ്ക്കുള്ള അടിസ്ഥാനവിവരങ്ങൾ ലഭിക്കുന്നതുകൊണ്ട് വിക്കിയുടെ ലിങ്കുകൾ നൽകുന്നുവെന്ന് മാത്രം... ഇതിനേക്കാൾ ആധികാരികമായ പട്ടികകൾ സ്വാഗതാർഹമാണ്...

List of Indian states by GDP
മഹാരാഷ്ട്ര ഒന്നാം സ്ഥാനത്ത്...
ഗുജറാത്ത് രണ്ടാം സ്ഥാനത്ത്...
ബംഗാൾ ആറാം സ്ഥാനത്ത്...
കേരളം ഒമ്പതാം സ്ഥാനത്ത്...

List of Indian states and territories by Human Development Index
കേരളം ഒന്നാം സ്ഥാനത്ത്...
ഡൽഹി രണ്ടാം സ്ഥാനത്ത്...
ഗുജറാത്ത് പതിനൊന്നാം സ്ഥാനത്ത്
ബംഗാൾ പതിമൂന്നാം സ്ഥാനത്ത്...

Indian states ranking by vaccination coverage
തമിഴ്നാട് ഒന്നാം സ്ഥാനത്ത്...
കേരളം മൂന്നാം സ്ഥാനത്ത്...
ബംഗാൾ എട്ടാം സ്ഥാനത്ത്...
ഗുജറാത്ത് പത്തൊമ്പതാം സ്ഥാനത്ത്...

Indian states and territories ranking by sex ratio
കേരളം ഒന്നാം സ്ഥാനത്ത്...

പോണ്ടിച്ചേരി രണ്ടാം സ്ഥാനത്ത്...
ബംഗാൾ പതിനെട്ടാം സ്ഥാനത്ത്...
ഗുജറാത്ത് ഇരുപത്തിനാലാം സ്ഥാനത്ത്...

Indian states ranking by literacy rate
കേരളം ഒന്നാം സ്ഥാനത്ത്...
മിസോറാം രണ്ടാം സ്ഥാനത്ത്...

ഗുജറാത്ത് പന്ത്രണ്ടാം സ്ഥാനത്ത്...
ബംഗാൾ പതിമൂന്നാം സ്ഥാനത്ത്...

Indian states ranking by households having electricity
ലക്ഷദ്വീപ് ഒന്നാം സ്ഥാനത്ത്
കേരളം പത്താം സ്ഥാനത്ത്
ഗുജറാത്ത് പതിനാറാം സ്ഥാനത്ത്
ബംഗാൾ മുപ്പതാം സ്ഥാനത്ത്

Indian states ranking by families owning house
കേരളം ഒന്നാം സ്ഥാനത്ത്...
ഹരിയാന രണ്ടാം സ്ഥാനത്ത്...

ഗുജറാത്ത് നാലാം സ്ഥാനത്ത്...
ബംഗാൾ ആറാം സ്ഥാനത്ത്...

Indian states ranking by underweight people (തൂക്കക്കുറവ് ഏറ്റവും കുറവ്)

പുരുഷന്മാർ 

മിസോറാം ഒന്നാം സ്ഥാനത്ത്...
കേരളം അഞ്ചാം സ്ഥാനത്ത്...
ബംഗാൾ എട്ടാം സ്ഥാനത്ത്...
ഗുജറാത്ത് പതിനെട്ടാം സ്ഥാനത്ത്...

സ്ത്രീകൾ
സിക്കിം ഒന്നാം സ്ഥാനത്ത്...
കേരളം രണ്ടാം സ്ഥാനത്ത്...
ബംഗാൾ ഏഴാം സ്ഥാനത്ത്...
ഗുജറാത്ത് പതിനേഴാം സ്ഥാനത്ത്...

Indian states by transport network
ദേശീയപാതകളുടെ നീളം...
ഉത്തർപ്രദേശ് ഒന്നാം സ്ഥാനത്ത്...
രാജസ്ഥാൻ രണ്ടാം സ്ഥാനത്ത്...
ബംഗാൾ നാലാം സ്ഥാനത്ത്...
ഗുജറാത്ത് പത്താം സ്ഥാനത്ത്...

States of India by installed power capacity
മഹാരാഷ്ട്ര ഒന്നാം സ്ഥാനത്ത്...
ഗുജറാത്ത് രണ്ടാം സ്ഥാനത്ത്...
ബംഗാൾ ഒമ്പതാം സ്ഥാനത്ത്...
കേരളം പതിനാറാം സ്ഥാനത്ത്...

Indian states ranking by institutional delivery
കേരളം ഒന്നാം സ്ഥാനത്ത്...
ഗോവ രണ്ടാം സ്ഥാനത്ത്...

ഗുജറാത്ത് എട്ടാം സ്ഥാനത്ത്...
ബംഗാൾ പതിനാലാം സ്ഥാനത്ത്...

List of Indian states by life expectancy at birth
കേരളം ഒന്നാം സ്ഥാനത്ത്...
പഞ്ചാബ് രണ്ടാം സ്ഥാനത്ത്...
ബംഗാൾ എട്ടാം സ്ഥാനത്ത്...

ഗുജറാത്ത് പത്താം സ്ഥാനത്ത്...

ഈ വിക്കി പേജിന്റെ വലതുവശത്തായി... കാണുന്ന പട്ടികയിൽ കാണുന്ന ഓരോ വിഷയത്തിലും ക്ലിക്കി അതാതിന്റെ താളുകളിലേക്ക് പോകാവുന്നതാണ്...

http://en.wikipedia.org/wiki/List_of_Indian_states_by_life_expectancy_at_birth

ഗുജറാത്ത് വികസനവും കുമിളയെന്ന ആത്മരതിയും...

വികസനത്തിന്റെ ആത്യന്തികലക്ഷ്യം സർവജനങ്ങളുടെ പുരോഗതിയും അതിനവരെ സ്വന്തം കാലിൽ നിൽക്കാനുള്ള ശക്തിപ്രാപിക്കലുമാണ്... വ്യക്തി മാത്രമല്ല സ്വന്തം കാലിൽ നിൽക്കേണ്ടത്... സമൂഹവും ‌സംസ്ഥാനവും രാജ്യവും സാമ്പത്തികമായും സാമൂഹികപരമായും വികസിക്കണം... രാജ്യം കൈവരിക്കുന്ന എല്ലാ വികസനത്തിന്റേയും ഊർജ്ജം ഉൾക്കൊണ്ട് വികസിക്കാൻ മധ്യ-ഉപരിവർഗ്ഗത്തിന് സാധിക്കും... അതേ വേഗതയിൽ ഓടി സ്വന്തം പങ്ക് കയ്യടക്കാൻ പലപ്പോഴും അടിസ്ഥാനവർഗ്ഗത്തിനും ഗ്രാമത്തിനും സാധിക്കാതെ വരും... അതുകൊണ്ട് ഒരു വികസനമുദ്രാവാക്യവും ഗ്രാമങ്ങളേയും അടിസ്ഥാനവർഗ്ഗത്തേയും മറന്നുകൊണ്ടാകരുത് അടിവരയിട്ട് പറയുന്നു...

"ഗുജറാത്തിന്റെ വികസനം" അതേപടി കേരളത്തിലേക്ക് പറിച്ച് നടണമെന്ന വാദമോ... അല്ലെങ്ങിൽ കേരളത്തേക്കാൾ മെച്ചമാണ് ഗുജറാത്ത് എന്നോ വാദമൊന്നും എനിക്കില്ല... പക്ഷേ രണ്ട് തരം വികസനത്തേയും പൂർണ്ണമായും തള്ളിക്കളയുന്ന കാഴ്ച്ചപാടുമില്ല... രണ്ടും സമരസപ്പെട്ട് പോകണമെന്നാണെന്റെ വീക്ഷണം... മോഡിയോ ബി.ജെ.പിയോ ഹിന്ദുത്വജണ്ടകളോ ഇവിടെ ചർച്ചാവിഷയമല്ല... അത്തരം വിഷയവും ഗുജറാത്തിൽ നടപ്പിലാക്കിക്കൊണ്ടിരിക്കുന്ന വികസനമാതൃകകളേയും കൂട്ടിക്കെട്ടുകയും ചെയ്യുന്നില്ല... പക്ഷേ അവിടെ ഉണ്ടായിക്കൊണ്ടിരിക്കുന്ന വികസനപദ്ധതികൾ കുമിളയല്ലായെന്നാണെന്റെ അഭിപ്രായം... നല്ലൊരു മീഡിയ വ്യക്തിത്വം കാത്ത് സൂക്ഷിക്കുന്ന മോഡി, പൊലിപ്പിച്ച് കാണിക്കുന്നതിൽ മിടുക്കനാണ്... അത് അരിച്ചെടുത്ത് കളഞ്ഞാലും ഗുജറാത്തിൽ വികസനം വരുന്നുണ്ടെന്ന സത്യം കേരളമോഡലിൽ അഭിമാനിക്കുമ്പോഴും നാം അംഗീകരിക്കണം... അതെ... കേരളമോഡലിന്റെ കൂടെ ഗുജറാത്ത് മോഡലും സാംശീകരിക്കണം... അതായിരിക്കും നില‌നിൽക്കുന്ന വികസനം... കേരളം നേടിയ വികസനപദ്ധതികൾ ഗുജറാത്തിലേക്കും പറിച്ചുനടാവുന്നതാണ്...

മനുഷ്യവിഭശേഷിയിലും വിദ്യഭ്യാസത്തിലും അടിസ്ഥാനവർഗ്ഗ ഉന്നമനത്തിലും എന്നുവേണ്ട കേരളമോഡൽ വികസനത്തിന്റെ ഏഴയലത്ത് ഇന്ന് ഗുജറാത്തില്ല... ഗുജറാത്തിൽ ഹൈവേകൾ കാണുമ്പോൾ ഗുജറാത്തിനേക്കാൾ ആളോഹരി റോഡുള്ളതും ഏത് ഗ്രാമത്തിലേക്കും റോഡുള്ളതും കേരളത്തിലാണ്... ഗുജറാത്തിലെ ഹൈവേയെ അഭിനന്ദിക്കുമ്പോൾ കേരളത്തിലെ റോഡ് നെറ്റ്‌വർക്കിനെ തള്ളികളയുന്നില്ല മറിച്ച് കേരളമോഡൽ വികസനം ലക്ഷ്യത്തിലെത്തിയ കേരളത്തിൽ ഗുജറാത്ത് മോഡൽ വികസനം കൊണ്ടുവരുകയെന്നതായിരിക്കണം നമ്മുടെ ലക്ഷ്യം... രാഷ്ട്രീയമായും ആശയപരമായും അല്ലെങ്ങിൽ ഗുജറാത്ത് കൂട്ടകൊലകളുടെ പാശ്ചാത്തലത്തിൽ മോഡിയെ അവഗണിക്കുകയോ എതിർക്കുകയോ ചെയ്യുമ്പോൾ ഗുജറാത്തിൽ നല്ല ഹൈവേകൾ വരുന്നതും തുറമുഖങ്ങളൂടെ വലിയ ശ്രിംഖകലകൾ വരുന്നതും കണ്ടില്ലായെന്ന് നടിക്കേണ്ടതില്ല... ഗുജറാത്തിലെ അത്തരം വികസനത്തേയും പ്രോൽസാഹിപ്പിക്കുകയാണ്...

കേരളത്തിലെ ആവശ്യത്തിനനുസരിച്ച് കേരളത്തിൽ ഹൈവേകൾ വേണം... ഗുജറാത്തിലെ പോലെ 8 വരിയാകണമെന്നില്ല... ജനസാന്ദ്രത ഒരു ഘടകമാണ്... ചിലപ്പോൾ ആറ് വരിയാകും... പക്ഷേ ഹൈവേകൾ വികസനത്തിന് അത്യാവശ്യമാണെന്ന പൊതുബോധം ഉണ്ടാകണം... അതിന്റെ ഗുണം ആഡംബരകാറുകൾക്ക് മാത്രമല്ലായെന്ന ഒരു ധാരണയെങ്ങിലും... അതിനാകണം നേതാക്കൾ അരയും തലയും മുറുക്കി രംഗത്തിറങ്ങേണ്ടത്... 60 മീറ്റർ ഹൈവേ കേരളത്തിലാകുമ്പോൾ 45 മീറ്റർ... അതുപോലും വേണ്ടായെന്ന് ഉൾവിളിയുണ്ടായി 30 മീറ്ററാക്കുകയും... ഒരു മാസം കഴിയുമ്പോൾ 45 മീറ്ററാക്കണമെന്ന് പറയുന്ന അവസ്ഥ കേരളത്തിലേയുണ്ടാകൂ... അങ്ങനെ ഇഴഞ്ഞുനീങ്ങുന്ന കേരളത്തിന് ഗുജറാത്തിന്റെ ഹൈവേകളെ കുമിളയെന്ന് വിളിച്ച് ആത്മരതിയണിയാമെന്നതിൽ കവിഞ്ഞ് ഒന്നുമില്ല...

ചൈനയുടെ വികസനത്തിന്റെ നെടുതൂണുകളായി അവിടത്തെ എക്സ്പ്രസ് ഹൈവേകൾ നില‌നിൽക്കുന്നു... രാജ്യത്തിന്റെ വിവിധപ്രദേശങ്ങളിൽ നിന്ന് എക്സ്പ്രസ് ഹൈവേകളെ കൂട്ടിയിണക്കുന്ന ചെറുകിട ഹൈവേകൾ ഉണ്ടാകുന്നു... അതുപോലെ ഗുജറാത്തിലുണ്ടാകില്ലായെന്ന് ഉറപ്പിക്കാനാകില്ലല്ലോ... ഗ്രാമങ്ങളിൽ നിന്ന് ഹൈവേകളെ ബന്ധിപ്പിക്കുന്ന റോഡുകൾ കുറവാണെങ്ങിൽ, അത്തരം റോഡുകൾ കൂടി നിർമിച്ചാലെ വികസനം പൂർണ്ണമാകൂ...

റോഡ് മാത്രമല്ല ഗുജറാത്തിൽ വന്നത്... ചെറുതും വലുതുമായി തുറമുഖങ്ങളാണ് ഇപ്പോഴുള്ളത്... ഗുജറാത്തിലായാലും കേരളത്തിലായാലും നല്ലത് വന്നാൽ നല്ലതെന്ന് പറയണം... ബംഗാളിന്റെ പിന്നോക്കാവസ്ഥയ്ക്ക് മമത പറഞ്ഞ കാര്യങ്ങളിലൊന്ന് ബംഗാളിൽ സ്വകാര്യതുറമുഖങ്ങളില്ല എന്നതാണ്... ആകെയുള്ളത് രണ്ടെണ്ണം... അതും കേന്ദ്രസർക്കാരിന്റെ കീഴിൽ... ഗുജറാത്തിൽ  തുറമുഖങ്ങളുടെ ശ്രിംഖലയാണുള്ളത്... വ്യവസായികവികസനത്തിന് തുറമുഖത്തിന്റെ പ്രധാന്യം പറയേണ്ടതില്ലല്ലോ... നല്ല ഹൈവെയും തുറമുഖവും വന്നാൽ വികസനമുണ്ടാകും... അതിന്റെ ഗുണം ജനത്തിന് ലഭിക്കും... പ്രത്യേകം ശ്രദ്ധിക്കുക... ഹൈവെയും തുറമുഖവും ഉദാഹരണങ്ങളായി പറഞ്ഞതാണ്... ഇനിയുമുണ്ടാകും വികസനത്തെ സഹായിക്കുന്ന ഘടകങ്ങൾ... ഗുജറാത്തിന് മാറ്റി മറ്റേതൊരു പ്രദേശത്തെ എടുത്തോളൂ... അടിസ്ഥാനസൗകര്യവികസനത്തെ അവഗണിക്കരുതെന്നതാണ് പറയുന്നത്...

അടിസ്ഥാനസൗകര്യവികസനത്തിൽ ശ്രദ്ധിക്കുന്നതുകൊണ്ട് ഗുജറാത്തിന്റെ വികസനം ഭാവിയിലേക്കുള്ള ചുവടുവെയ്പ്പാണ്... നാളെ മോഡിയുണ്ടാകണമെന്നില്ല പക്ഷേ ഇന്നത്തെ വികസനത്തിന്റെ ഗുണങ്ങൾ ഗുജറാത്ത് ജനതയ്ക്ക് നാളേയും ലഭിക്കും...