26/08 ന്‌ ശേഷം ഇന്ത്യൻ ദേശീയത സടകുടഞ്ഞെഴുന്നേറ്റു. പരസ്പരം വിഴുപ്പലക്കുകളുണ്ടായെങ്ങിലും ഭീകരവാദത്തെ, അതിർത്തിക്കപ്പുറത്തുനിന്നായാലും ഇപ്പുറത്തുനിന്നായാലും, നമ്മുടെ മണ്ണിൽ നിന്ന്‌ തുടച്ച്‌ നീക്കണമെന്ന കാര്യത്തിൽ നാമെല്ലാവരും ഒറ്റക്കെട്ടായി നിലകൊള്ളുന്നു. സ്വബോധമുള്ള ഒരാൾക്കും ഈ ഭീകരവാദത്തെ ഒരു വിധത്തിലും ന്യായികരിക്കാൻ പറ്റുന്നില്ല. കാരണം വളരെ ലളിതം, സ്വബോധമുള്ള ആരേയും പറഞ്ഞു മനസ്സിലാക്കാനുള്ള ഒരു കാരണവും മുംബൈ ഭീകരർക്കില്ല എന്നത്‌ തന്നെ.
ദന്തേവാഡയിലേക്ക്‌ വരു....
76 C.R.P.F ജവാന്മാരെ കൂട്ടക്കൊല ചെയ്ത ദന്തേവാഡ നമ്മുടെ കൺമുന്നിലുണ്ടായിട്ടും മാവോവാദികളെ ഉന്മൂലനം ചെയ്യണം അല്ലെങ്ങിൽ അവർക്ക്‌ വെള്ളവും വളവും നല്കുന്ന ആദിവാസികളെയും അതിദരിദ്രരേയും ഒരു പാഠം പഠിപ്പിക്കണമെന്ന ഒരു ചിന്തധാര ഇന്ത്യൻ പൊതു സമൂഹത്തിന്റെ മുന്നിലേക്ക്‌ വരുന്നില്ല. ജവാന്മാരെ കൂട്ടക്കൊല ചെയ്ത മാവോയിസ്റ്റുകളുടെ നടപടി ക്രൂരമാണെന്ന്‌ പറയുന്ന അതേ ശ്വാസത്തിൽതന്നെ നമുക്ക്‌ പറയേണ്ടി വരുന്നില്ലേ ഈ മേഖലയിൽ മവോയിസ്റ്റുകൾ സമാന്തരഭരണം നടത്തുന്നുണ്ടെങ്ങിൽ അല്ലെങ്ങിൽ മാവോയിസ്റ്റുകൾക്ക്‌ സ്വാധീനം വർദ്ധിക്കുന്നുണ്ടെങ്ങിൽ അതിന്റെ മുഖ്യകാരണം അവിടത്തെ പിന്നോക്കാവസ്ഥയാണ്‌, ചൂക്ഷണമാണ്‌, അങ്ങനെ എന്തെല്ലാം കാരണങ്ങൾ... അത് തന്നെയല്ലെ നമ്മുടെ കുറ്റസമ്മതം... മവോയിസ്റ്റുകൾക്കെതിരെയുള്ള നമ്മുടെ നീക്കമല്ല പിഴച്ചത്‌, ദരിദ്രവിഭാഗങ്ങളെ മവോയിസ്റ്റുകളുടെ മുന്നിലേക്ക്‌ വലിച്ചെറിഞ്ഞ 62 വർഷങ്ങളാണ്‌ പിഴച്ചത്‌. ചിദംബരത്തിനല്ല പിഴച്ചത്‌, അതിനാൽ തന്നെ ചിദംബരം രാജി വെയ്‌ക്കേണ്ടതില്ല. ചിദംബരം രാജിവെച്ചാൽ മറ്റൊരു ചിദംബരം!
ഒരു വീരപ്പനെ കൊന്ന്‌ സത്യമംഗലം കാടുകളിൽ അധികാരം വീണ്ടെടുക്കുവാൻ അനേകം മനുഷ്യ ജീവനുകൾ നാം ബലി കൊടുത്തു. കോടികണക്കിന്‌ രൂപ കാട്ടിലെറിഞ്ഞു, എത്ര വർഷങ്ങൾ. അവസാനം നാം വിജയിച്ചു. അതെ നാം ശക്തർ തന്നെ നമ്മുടെ ശക്തിയിൽ നമുക്ക്‌ അഭിമാനിക്കാം പക്ഷെ ഇവിടെ ആർക്കെതിരെ? വീരപ്പന്റെ ലക്ഷ്യമല്ല മാവോയിസ്റ്റുകളുടെ. സത്യമംഗലം കാടുകളല്ല ചുവന്ന ഇടനാഴി, ഏകദേശം 40% ഇന്ത്യൻ പ്രദേശം. പല ജില്ലകളിലും ശക്തർ...
ബംഗാളിലെ മാവോയിസ്റ്റ് പ്രതിക്ഷേധത്തിനും അക്രമങ്ങൾക്കും മമതയെ പ്രതി സ്ഥാനത്ത്‌ നിറുത്താം പക്ഷെ ബംഗാളിന്‌ പുറത്തെ മാവോയിസ്റ്റുകളെ ഏത്‌ ഗണത്തിൽപ്പെടുത്തും? ലിങ്കുകൾ നേപ്പാളിലേക്കും ചൈനയിലേക്ക്‌ വരെ വലിച്ച്‌ നീട്ടാം? പക്ഷെ സത്യമെന്താണ്‌? ജനാധിപത്യത്തിലും മുഖ്യധാര ഇടതുപക്ഷപാർട്ടികളിലും വിശ്വാസം നഷ്ടപ്പെട്ട അതിതീവ്ര ഇടതുപക്ഷമല്ലെ മാവോയിസ്റ്റുകൾ?. മുഖ്യധാര ഇടതുപക്ഷത്തേക്കാൾ “ഇടതായ” ഇടതുപക്ഷം. വലതു പക്ഷത്തേക്ക്‌ കൂടുതൽ ചരിഞ്ഞിരിക്കുന്നതുകൊണ്ടാണോയെന്നറിയില്ല S.R.P യ്ക്ക്‌ മാവോയിസ്റ്റുകൾ ഇടതുപക്ഷമല്ലാതായത്‌! അതുകൊണ്ട്‌ തന്നെയാണ് ആദിവാസികൾക്കും മാവോയിസ്റ്റുകൾക്കും കമ്യുണിസ്റ്റ്പാർട്ടികൾ വലതുപക്ഷമായത്‌.
വയനാടൻ കുന്നുകളിലെ വെടിയൊച്ചകൾ നിലച്ചു, ഗർജ്ജിച്ചവർ പ്രായത്തിന്റെ പക്വതയിലോ നിലനില്പ്പിന്റെ പ്രായോഗികതയിലോ കളം മാറി ചവിട്ടിയിരിക്കുന്നു. പുതിയ രക്ഷകർ ഉദയം ചെയ്തിരിക്കുന്നു. വയനാടൻ കുന്നുകളിലെ കണ്ണീരിന്റെ ഉപ്പുരസവും തളരാത്ത ആത്മവീര്യവും ബാക്കിയുള്ള പുതിയ പോരാളികൾ പുതിയ സംരക്ഷകരുടെ കീഴിൽ അവകാശപ്രഖ്യാപനം നടത്തുന്നു. ആദിവാസിമേഖലകളും മറ്റ്‌ പിന്നോക്കപ്രദേശങ്ങളും നിലനില്പ്പിന്റെ മറ്റൊരു യുദ്ധത്തിനായി കാതോർക്കുന്നു. ദന്തേവാഡയിൽ നിന്ന്‌ പാഠമുൾക്കൊണ്ട് ആദിവാസികൾക്ക്‌ നഷ്ടപ്പെട്ട ഭുമി ജൂലൈ 31 ന്‌ മുൻപ്‌ തിരിച്ച് നൽകാനുള്ള സുപ്രിംകോടതിയുടെ വിധിയെ സമീപിച്ചാൽ കേരളമോഡൽ പരിഹാരം ചിദംബരം കണ്ടുപഠിക്കും.
നമുക്ക്‌വേണ്ടി ജീവത്യാഗം ചെയ്ത ജവാന്മാർക്ക്‌ മുൻപിൽ കാക്കരയും തലകുനിക്കുന്നു...
വാൽ കഷണം...
വയനാടൻ കാടുകളിൽ കേട്ട നക്സൽ ഗാഥകളും പോലിസിന്റെ വേട്ടകളും കേരളം ഓർക്കാൻ ഇഷ്ടപ്പെടാത്ത കാലത്തിന്റെ ഏടുകൾ... കാലത്തിന്റെ നിശ്ച്ചയംപോലെ ദന്തേവാഡയിലെ ദുരന്തം മാധ്യമങ്ങളിൽ നിറയുന്ന സമയത്ത്‌ തന്നെ നക്സൽ വർഗീസിന്റെ മരണം ഏറ്റുമുട്ടലിലാണൊ അതോ രാമചന്ദ്രൻ നായർ പറയുന്നതുപോലെ ലക്ഷ്മണയുടെ ഭീക്ഷണിക്ക്‌ വഴങ്ങി നിറയൊഴിച്ചതാണോ? നമുക്ക്‌ അല്പം കാത്തിരിക്കം, സത്യം പുറത്ത്‌ വരട്ടെ. കേരളം കണ്ട “ഏറ്റവും നല്ല മുഖ്യമന്ത്രിയായി” അച്യുതമേനോൻ വിലസുമ്പോൽ അദ്ധേഹത്തിന്റെ കീഴിൽ എങ്ങനെ കരുണാകരൻ “ഭീകരനായ ആഭ്യന്തമന്ത്രിയായി”? ചരിത്രം ഒരിക്കലും പൂർണസത്യമല്ലായെന്ന്‌ ഒരിക്കൽകൂടി തെളിയിക്കുന്നു!
Subscribe to:
Post Comments (Atom)
15 comments:
മവോയിസ്റ്റുകൾക്കെതിരെയുള്ള നമ്മുടെ നീക്കമല്ല പിഴച്ചത്‌, ദരിദ്രവിഭാഗങ്ങളെ മവോയിസ്റ്റുകളുടെ മുന്നിലേക്ക്‌ വലിച്ചെറിഞ്ഞ 62 വർഷങ്ങളാണ്‌ പിഴച്ചത്‌. ചിദംബരത്തിനല്ല പിഴച്ചത്‌, അതിനാൽ തന്നെ ചിദംബരം രാജി വെയ്‌ക്കേണ്ടതില്ല. ചിദംബരം രാജിവെച്ചാൽ മറ്റൊരു ചിദംബരം!
കര്‍ഷകന്‍ ഉള്‍പ്പെടെയുള്ള സാധാരണക്കാരന്റെ മനസ്സ് നോക്കാതെ ഉദാരവല്‍ക്കരണം അനുവദിച്ചപ്പോള്‍ തുടങ്ങിയ മുറുമുറുപ്പ് എസ്സ്.ഇ.ഇസഡ്.ല്‍ എത്തിയപ്പോള്‍ പൂര്‍ണ്ണമായ പ്രതിഷേധമായി മാറിയത് നമ്മുടെ ഭരണകര്‍ത്താക്കള്‍ കണ്ടില്ലെന്ന് നടിച്ചത് തന്നെയാണ് മാവോയിസ്റ്റുകള്‍ക്കും, തീവ്രവാദികള്‍ക്കും ഇന്ത്യന്‍ ജനതയെ കീഴ്പ്പെടുത്തുവാന്‍ കഴിഞ്ഞത്. ജീവിക്കുവാന്‍ അവസരം കിട്ടുമെന്ന പ്രത്യാശ ഇവരില്‍ മുളപ്പിച്ച് അത്തരം “സംഘടനകള്‍” ഇന്ന് ഗവണ്മെന്റുകള്‍ക്ക് തലവേദനയായി നില്‍ക്കുന്നു. ഇനിയെങ്കിലും സാധാരണക്കാര്‍ക്ക് ജീവിച്ച് പോകുവാനുള്ള സാഹചര്യം ഗവണ്മെന്റുകള്‍ക്ക് ഒരുക്കുവാന്‍ കഴിയുമെന്ന് അവരെ വിശ്വസിപ്പിക്കുന്നതിലുള്ള നടപടികള്‍ സ്വീകരിക്കണം.
സ്വാതന്ത്ര്യം കിട്ടിയപ്പോള്‍ തന്നെ സുബാഷ് ചന്ദ്ര ബോസിന്റെ വികസന സങ്കല്‍പ്പം അംഗീകരിക്കുവാന്‍ നാം തയ്യാറായിരുന്നുവെങ്കില്‍... പക്ഷേ അന്നും ഇന്നും സ്വന്തം കസേരകള്‍ക്കും സുഖത്തിനും വേണ്ടി മാത്രമാണ് നേതാക്കളുടെ നെട്ടോട്ടം!!!
വായിച്ചു :)
ഷാജി ഖത്തര്‍.
“കാവ്യപുസ്തകമല്ലൊ ജീവിതം”എന്ന പഴയ ഗാനശകലം ഓര്‍ത്ത് പോവുന്നു,നമ്മുടെ നാട്ടില്‍ തുടര്‍ന്ന് വരുന്ന പല സംഭവവികാസങ്ങളിലും ഈ കാവ്യനീതി ദര്‍ശിക്കാനാവുന്നു...നക്സല്‍ പ്രശ്നങ്ങള്‍ സര്‍ക്കാര്‍ കൈകാര്യം ചെയ്യുന്നേടം തൊട്ട് ആരംഭിക്കുന്നു ഈ ദുരിതം..യഥാര്‍ത്ഥ്യബോധം ഒട്ടുമില്ലാതെയാ പലപ്പോഴും ഈ ചൂടന്‍ വിഷയം കൈകാര്യം ചെയ്തുവരുന്നതു. എന്നിട്ട് തടികേടാവൂന്ന് പേടിയാവുമ്പോള്‍,ഒരു രാജി നാടകം കൊണ്ടാടും...ആര് രാജിവെച്ചിട്ടെന്താ കാര്യം.. ഒരു ചിതംബരം പോയാല്‍ മറ്റൊരു ചിതംബരന്‍...!!!
ഈ ആരവങ്ങള്‍ക്കിടയില്‍ ദിശാബോധം നിഴലിടുന്ന പ്രസ്താവന നടത്തിയത് വ്യോമസേനാ മേധാവി എയര്‍ ചീഫ് മാര്‍ഷല്‍ പി.വി. നായിക് മാത്രം. അതിര്‍ത്തിക്കപ്പുറത്തെ ശത്രുവിനെ നേരിടേണ്ട സൈന്യത്തെ സ്വന്തം ജനതക്കു നേരെ തിരിച്ചുവിടരുതെന്നായിരുന്നു നായിക് പറഞ്ഞത്.
രാഷ്ട്രീയ നേതൃത്വം പറയേണ്ടത് സൈന്യം ഓര്‍മിപ്പിക്കേണ്ടി വരുക. ജനാധിപത്യ ഇന്ത്യയുടെ ഗതികേട്.
from the link
നമുക്ക്‌വേണ്ടി ജീവത്യാഗം ചെയ്ത ജവാന്മാർക്ക്‌ മുൻപിൽ ഞാനും തലകുനിക്കുന്നു...
മനോജ്... ഉദാരവത്ക്കരണത്തിന്‌ വളരെ മുൻപ്‌ തന്നെ നക്സലിസം ഇന്ത്യയിൽ വേരോടിയിരുന്നു, താഴെക്കിടയിലുള്ള ജനങ്ങളെ മറന്നുകൊണ്ടുള്ള പ്രവർത്തനങ്ങളുടെ പ്രതിപ്രവർത്തനമായി നക്സലിസത്തിനെ അതിവേഗ വളർച്ചയെ കാണാം.
ഷാജി... നന്ദി.
ഒരു നുറുങ്ങ്... യാഥാർത്ഥ്യബോധ്യം തീരെയില്ലയെന്നത്‌ ശരിതന്നെ.
ഡ്രിസിൽ... എയർ ചീഫ് മാർഷലിന്റെ അഭിപ്രായത്തോട്‌ പൂർണ്ണമായി യോജിക്കാൻ വയ്യ. മാധ്യമത്തിൽ വിശദമാക്കാത്ത ഒരു കാര്യം കൂടി അദ്ധേഹം പറഞ്ഞു... രാഷ്ട്രീയ നേതൃത്വത്തിന്റെ തീരുമാനത്തിനനുസരിച്ച്‌ പ്രവർത്തിക്കും. അത് സുഭസൂചകവും.
ശ്രീ... നന്ദി
കര്‍ഷകന്‍ ഉള്‍പ്പെടെയുള്ള സാധാരണക്കാരന്റെ മനസ്സ് നോക്കാതെ ഉദാരവല്‍ക്കരണം അനുവദിച്ചപ്പോള്‍ തുടങ്ങിയ മുറുമുറുപ്പ് എസ്സ്.ഇ.ഇസഡ്.ല്‍ എത്തിയപ്പോള്‍ പൂര്‍ണ്ണമായ പ്രതിഷേധമായി മാറിയത് നമ്മുടെ ഭരണകര്‍ത്താക്കള്‍ കണ്ടില്ലെന്ന് നടിച്ചത് തന്നെയാണ് മാവോയിസ്റ്റുകള്‍ക്കും, തീവ്രവാദികള്‍ക്കും ഇന്ത്യന്‍ ജനതയെ കീഴ്പ്പെടുത്തുവാന്‍ കഴിഞ്ഞത്.
ഇതിനോട് നൂറു ശതമാനം യോജിക്കുന്നു. കാക്കരയല്ല കൊക്കര കൂകിയാലും ഇതൊക്കെയേ ഇവിടെ നടപ്പുള്ളൂ..! നമ്മുടെ നാട്.. നമ്മുടെ നേതാക്കള്‍..
ഒലക്ക!!
റെഫി... “നക്സലൈറ്റുകളും മാവോയിസ്റ്റുകളും ഉദാരവത്ക്കരണത്തിന്‌ മുൻപും ഇന്ത്യയിലുണ്ടായിരുന്നുവെന്ന്‌” മാത്രമല്ലെ ഞാൻ പറഞ്ഞത്. അല്ല എങ്ങിൽ അത് പറയുക, ബാക്കിയെല്ലം വിട്ടുകള. നന്ദി.
---
ആദിവാസികളുടെ കാര്യമായതിനാലായിരിക്കും നമ്മുടെ മാധ്യമങ്ങളെല്ലാം വാർത്തകളെ തിരസ്കരിക്കുന്ന ഒരു രീതി. ബ്ളോഗിൽ പോലും അധികം പോസ്റ്റുകളൊ ചർച്ചയൊ ഇല്ല. നന്ദിഗ്രാം സംഭവത്തിൽ ഒരു ഭാഗത്ത്‌ C.P.M ആയതിനാൽ, ആദിവാസികൾക്ക്‌വേണ്ടി ശബ്ദിക്കാനും C.P.M നെ പ്രതിരോധിക്കാനും എത്ര ഉൽസാഹം! ദന്തേവാഡ, ആർക്കും പരിഭവമില്ല, ആദിവാസികളല്ലെ, എന്തിന്‌ പ്രതികരിക്കണം.
പ്രിയ കാക്കര,
ഒരേ സമയം വേട്ടക്കാരനോടൊപ്പം ഓടുകയും ഇരയോടൊപ്പം നടക്കുകയും ചെയ്യുന്ന നിങ്ങളെ ഈ ലേഖനത്തിൽ ഞാൻ കാണുന്നു.
യറഫാത്ത്... നന്ദി
http://mangalam.com/index.php?page=detail&nid=302448&lang=malayalam
റായ്‌പുര്‍: ഛത്തീസ്‌ഗഡിലെ ദന്തേവാദയില്‍ മാവോയിസ്‌റ്റുകള്‍ നടത്തിയ കുഴിബോംബ്‌ സ്‌ഫോടനത്തില്‍ 20 പോലീസ്‌ ഓഫീസര്‍മാരടക്കം അമ്പതോളംപേര്‍ മരിച്ചു. ആറാഴ്‌ചയ്‌ക്കകം രണ്ടാം തവണയാണ്‌ ദന്തേവാദയില്‍ മാവോയിസ്‌റ്റുകള്‍ കൂട്ടക്കൊല നടത്തുന്നത്‌.
കാക്കര..
ചിന്തകളിലെ ആത്മാര്‍ത്ഥത കാണാതിരിക്കുന്നില്ല.. എന്നാലും ഒന്നു ചോദിക്കട്ടെ.
ചിന്തിക്കുന്നവനും, പറയുന്നവനും വേദന അറിയുന്നില്ല..അത് അനുഭവസ്ഥനേ അറിയൂ,
ചൂഷണം ചെയ്യപ്പെടുന്നവനായാലും.. കൊല്ലപ്പെടുന്നവനായാലും അവന്റെ പ്രിയപ്പെട്ടവര്‍ക്കായാലും.
നിരപരാധികളെ കുരുതി കൊടുക്കുന്നത് ഒര്‍ക്കലും ന്യായീകരിക്കാനാവില്ല, എന്ത് പ്രത്യയശാസ്ത്രത്തിന്റെ പേരിലായാലും...
ഒരു കാര്യം പറയാം കാക്കര, ഇത് അവസാനം ഇടിച്ചു നില്ക്കും . കൂട്ടത്തില്‍ ആദിവാസികളുടെ മണ്ടക്കും വീഴും ബോബ്. അതിനൊരവസരം കാത്തിരിക്കുകയാണ് ഭരണ വരുഗ്ഗം.
കിച്ചു...
താങ്ങൾ പറഞ്ഞത് പോലെ വേദന അനുഭവിക്കുന്നവർക്കേ അറിയു, അത് ആദിവാസികളും, മാവോയിസ്റ്റുകളും സൈനീകരും ശരിക്കും അറിയുന്നുണ്ട്.
നിരപരാധികളെ കുരുതികൊടുക്കുന്നത്‌ മനസാക്ഷിയുള്ള നമ്മുക്കാർക്കും അംഗീകരിക്കാൻ സാധിക്കില്ല പക്ഷെ അതോടൊപ്പം കാക്കര ആവശ്യപ്പെടുന്നത്‌ ആദിവാസികളെ ചൂക്ഷണം ചെയുന്നത്‌ നിറുത്തണമെന്നുകൂടിയാണ്‌.
അനിൽ... ഒരു കൂട്ടകുരുതിയിലേക്കാണ്‌ ഭരണവർഗ്ഗവും മാവോയിസ്റ്റുകളും നടന്നുകയറുന്നത്‌. ഇതിനിടയിൽ ആദിവാസികൾ ചതഞ്ഞരയും. ഭരണതലത്തിൽ തന്നെ ഒരു വൻ പാക്കേജുമായി ആദിവാസികളെ സമീപിച്ചാൽ മാത്രമെ മാവോയിസ്റ്റുകളെ ആയുദ്ധം താഴെ വെയ്പ്പിക്കാനും സമാധാനം പുനസ്ഥാപിക്കാനും സാധിക്കുകയുള്ളു...
---
കേരളത്തിൽ 15,000 ആദിവാസികൾക്ക്‌ സ്വന്തമായി ഭുമിയില്ല. 15,000 ഏക്കർ ഭുമി കണ്ടെത്തി വിതരണം ചെയ്യുവാൻ നമുക്ക്‌ സാധിക്കുന്നില്ലെങ്ങിൽ, നമ്മുടെ ഭരണവർഗ്ഗത്തിന്‌ എന്തോ പന്തിക്കേടില്ലേ? നമ്മുക്കും?
Post a Comment