എന്റെ സ്വാതന്ത്ര്യം ചക്രവാളസീമയോളം വലുതാണ്... അത് നിങ്ങളുടെ മൂക്കിനെ ഭേദിക്കുന്നില്ലെങ്കിൽ, നിങ്ങളെന്തിനാണ് എന്റെ സ്വാതന്ത്ര്യക്കുറിച്ച് വ്യാകുലപ്പെടുന്നത്... നിങ്ങൾ നിങ്ങളുടെ സ്വാതന്ത്ര്യം എങ്ങനെ ഉപയോഗിക്കുന്നുവെന്നത്, നിങ്ങളുടെയിഷ്ടം... നിങ്ങളുടെ സ്വാതന്ത്ര്യം ഉപയോഗിക്കരുതെന്ന് പറയാൻ, എനിക്കവകാശമില്ല എന്നതാണ് സത്യം... അപ്പോഴും വിഷയത്തോട് യോജിക്കുകയോ വിയോജിക്കുകയോയാകാം... ശൈലിയോട് യോജിക്കുകയോ വിയോജിക്കുകയോയാകാം... അതിനെയൊക്കെ സഹിഷ്ണതയോടെ സമീപിക്കാൻ നാം പഠിക്കുകയാണ് വേണ്ടത്... അതുമാത്രമാണ് പോം വഴി... കാണേണ്ടവർ കണ്ടാൽ മതി... കേൾക്കേണ്ടവർ കേട്ടാൽ മതി... ബാക്കിയുള്ളവർക്ക് കാണാനും കേൾക്കാനുമായി വിശാലമായ ലോകം അപ്പുറത്തുണ്ട്... എല്ലാ സൃഷ്ടികളും നമ്മുടെ പരിധികൾക്കുള്ളിലാകണമെന്ന് നമുക്ക് വാശിയുണ്ടാകരുത്... നമ്മുടെ പരിധിക്കപ്പുറത്തെ ലോകം അവരുടേതായ കണ്ണിലൂടെ നോക്കികാണാൻ പഠിക്കുക... ഇഷ്ടപ്പെട്ടത് സാംശീകരിക്കുക... അല്ലെങ്കിൽ അവഗണിക്കുക...
മദാമയെ നോക്കി... ദേ... അവർ തുണിയില്ലാതെ നടക്കുന്നുവെന്ന് പരിഹസിക്കുന്നവർ തന്നെ അറബി പെണ്ണുങ്ങളെ നോക്കി... ദേ... അവർ മൂടിപുതച്ച് നടക്കുന്നു... നമ്മുടെ വസ്ത്രധാരണമാണ് ശരി... എനിക്ക് മുന്നിലും പിന്നിലുമുള്ളത് തെറ്റും ഞാൻ മാത്രമാണ് ശരിയെന്ന വാശിയും... നമ്മുടെ പരിധി നാം തന്നെ സൃഷ്ടിക്കുന്നതാണ്... ആ വേലിക്കെട്ടുകൾക്കുള്ളിലാകണം അന്യരുടേയും സ്വാതന്ത്ര്യം എന്ന് വാശിപിടിക്കുന്നിടത്ത് നാം പരാജയപ്പെടുകയാണ്...
എനിക്ക് യോജിപ്പില്ലാത്തതിനോടോക്കെ അസഹിഷ്ണതപരമായ നിലപാടുമായി മുന്നോട്ട് പോകാനാകില്ല... നിയമത്തിന്റെ ചാട്ടവാറുപയോഗിച്ച് അടിച്ചിരുത്തുന്നതിനോടും യോജിക്കുന്നില്ല... നിയമത്തിന്റെ വരികളിലൂടെ പോയാൽ കേസെടുക്കാനുള്ള വകുപ്പൊക്കെ എവിടേയും കാണും... നിയമം സൃഷ്ടിക്കുന്നത് തന്നെ ശരാശരിയിൽ കയർ പിടിച്ചിട്ട്, അതിന് താഴെയും മുകളിലുമുള്ളത് കുറ്റകരം എന്ന് വിധിക്കുകയാണെന്ന് പലപ്പോഴും തോന്നാറുണ്ട്... ദൈവം ഇല്ലായെന്ന് പറയുന്നത്, പാക്കിസ്ഥാനിൽ കുറ്റകരമാണ്... ഇന്ത്യയിൽ കുറ്റകരമല്ല... നമ്മുടെ കയർ മറ്റൊരിടത്താണ് കെട്ടിയിരിക്കുന്നത്...
കന്യകാമറിയം പരിശുദ്ധാത്മാവിനാൽ ഗർഭം ധരിച്ച് പുത്രന് ജന്മം നൽകിയെന്ന് ബൈബിൾ... ഓ പിന്നെ... എന്ന് ചോദിക്കാൻ തോന്നുന്നില്ലേ... വെള്ളം വീഞ്ഞാക്കിയെന്ന് ബൈബിൾ പറയുന്നത് നിരോധിക്കാതെ, വാറ്റായിരുന്നോ പണിയെന്ന് ചോദിക്കുന്നതെങ്ങനെ നിരോധിക്കും... അതിനാൽ ചോദിക്കാനുള്ള അവകാശം നിലനിൽക്കണം... അതിന് പരിധി നിശ്ചയിക്കുന്നത് സമൂഹത്തിന്റെ വളർച്ചയ്ക്ക് ഗുണകരമല്ല...
വിവാദങ്ങളും പ്രകോപനങ്ങളും സൃഷ്ടിച്ച് ശ്രദ്ധ നേടുന്നത് സാധാരണമാണ്... വസ്തുതയില്ലെങ്കിൽ, അവഗണിക്കുക... അതിനേക്കാൾ നല്ല പ്രതിവിധിയില്ല... ലെഫ്റ്റ് റൈറ്റ് ലെഫ്റ്റ്... അതേ സമയം വിവാദങ്ങളും പ്രകോപനങ്ങളും സൃഷ്ടിക്കാതെ പറയാനുള്ളത് പറയുക... അതാണ് എന്റെ റൈറ്റ്...
വാൽകക്ഷണം... തെറിവിളിയും അസഭ്യപ്രചരണവും "വിമർശനമാണെന്ന്" തെറ്റിദ്ധരിക്കരുത്...
No comments:
Post a Comment